بسم الله الرحمن الرحيم
)(! أف بس متى أسوق ؟؟ !)(
أعلم أن كثيراً منكم بعد أن قراء العنوان يظن آني فتاة قد تأثرت بأفكار علماني أو لبرالي ..
والله يشهد كم اردد من دعوة حينما أشاهد احدهم يبث سمه .!
وربما البعض يظن أني فتاة تطالب بحريتها المزعومة .
_وأحمد الإله من أعماق قلبي بأني في أتم حريتي
وأخر يردد: إيييييه ماحست بزحمة الرياض .!
حسناً وأعتقد لو اسأل هذا الأخير عن سبب زحمة الرياض لأجاب : بأن نصفها أو ثلاثة أرباعها بسبب مشاوير النساء =) .
مشاويرنا التي باتت الآن متطلب من متطلبات المجتمع فلا يوجد بيت لا تذهب فيه أنثى إلى جامعة أو وظيفة أو حتى إلى سوق .!
:
أعلم بأني كالملكة حينما يقود أخي أو والدي وأنا في الخلف فقط انظر فلست مضطرة لأن اضبط أعصابي حتى أصل إلى باب المنزل .!
ولكن هل تعلمون كم أسبب لوالدي من مشاق بسبب ذهابي للجامعة والعودة منها والتي لا تبعد عن منزلنا سواء 20 دقيقة فقط " من غير زحمة طبعاً"
وأعلم بأن أحدكم سيقول " الله يخلي الحكومة موفرة لكم باصات "
ولكن هل تعلم يا أخي بأن محاضرتي تنتهي في 10:30 ويتحرك الباص الساعة 1:37 > مع العلم بأنه يجب علي الركوب في الباص قبل الساعة 1:15 وأعود للمنزل سالمة في الساعة 2:06 وأحيانا تكون 2:56 وهناك يوم أنتهي من محاضرتي في الساعة 1:30 وأضطر لأن انتظر الرحلة القادمة لكي تعود بي للمنزل "و للمعلومية الرحلة القادمة تنطلق في الساعة 4:10 ".!
>وأتمنى أن لا يسألني أحدكم لما .!
:
أف بس مـــــــــــــــتــــــــــــى أســــــوق ؟!
أصبحت أرددها بعدما تعلمت دروس القيادة وضبط النفس والأعصاب مع كل صباح وفي كل زحمة تحتم على والدي العزيز الدخول لها بسببي .!
أف بس مـــــــــــــــتــــــــــــى أســــــوق ؟!
أصبحت أرددها بعدما تعلمت كيف أن سواق ذلك الباص فاشل في القيادة _ فكما أسلفت سابقاً تعلمت مهارات وفنون القيادة بنجاح .!
أف بس مـــــــــــــــتــــــــــــى أســــــوق ؟!
أصبحت أرددها حينما سافر أخي لدراسة وجعل عبء المشاوير كله على والدي المسكين.!
أف بس مـــــــــــــــتــــــــــــى أســــــوق ؟!
أو أف بس متى يخترعون سيارة تقاد أوتوماتيكيا بحيث أستغني عن ذلك الباص اللعين ولا أكون بحاجة لأن أبقى مع سائق أجنبي لوحدي ويرتاح دماغ حبيبي الوالد من هم ذهابي وإيابي .!
قبل أن اختم :
هل تعلمون أني لم أرفع يدي يوماً لأقول " يارب متى أسوق .! "
مع محبتي :
Dr.Candle
والله إنك صادقة
ردحذفمتى نسوووووووووووووووووووووووووووووووق؟؟؟؟؟؟؟
يحلمووون يحلموووون لو فيك يفكرون
ردحذف<< خرابيش
بالفعل قيادة المرأة أصبحت ضرورة عند الكثير منهن
ردحذفلكن لكن في الناحية الاخرى كثيرا ما نشاهد او نسمع خصوصوا في النت من يطالبن بالقيادة لتمضية وقت الفراغ أو عشان كل ما زعلت تدق سلف وتمشي
وترى السواقة بالرياض أصعب مما تتصورون
انا شاب وصراحه انا معكم يالبنات قلبن وقالبن كثير من اصحابي لما نجلس ونتكلم ونقول عن سواقه البنات
ردحذفالجميع معارض ومعهم حق لانو شئ طبيعي بالبدايه بيكون غريب بس حبه حبه بنتعود عليه مع شويه ضوابط والله تمشي الحياه واولا واخيرا انا متاكد بتسوقون
الحين الكل بيقول ذا متخلف او عايش برا ومو عارف بالي يصير بالسعوديه والشباب والله العظيم اني ساكن بمدينه ومو كبيره مره وبدوي وعارف كل شئ وعمري 22
بس ليه ننكر شئ والبنات يستحقونه
انا بقول هالكلام لاني مقتنع فيه وانا والله ما اعرفك
انا بتكلم واقول وجهه نظري بموضوعك
الله يعينك من جد لما تخلصي جامعه وتجلسي 5 ساعات
وانتي تنتظري رجعتك للبيت والولد بين المحاظره والمحاضره الثانيه ساعه يروح بيتهم وياخذله غفوه ويرجع يحضر الثانيه والله اننا بنعمه
اسف على الاطاله
اخوكـ
d7oOom
أنتي تقولين الشوارع زحمة ومووووت .. و الحين تبون تزيدون السيارات في الشوارع؟؟!
ردحذفقسم مافي حد بيوصل شغله.. لا رجال و بنات !!
أفضل حل في الدنيا يكون عندنا وسائل نقل عامة مثل القطارات و الترامز .. الخ
خلاص سوقي ولا صدمتي لا تبكين وتروح علومك
ردحذفعاد انتي كملي الباقي بس جيبي معك مناديل
السلام عليكم
ردحذفغصن التووت ..
ياستي ولا يهون الباقيين .. ترى المشكلة مو في سواقتكم .. المشكلة تكمن في شعبنا الغير مثقف الغير واعي الغير مسئول الغير متفهم الغير مؤددددب الغير الغير الغير ... الخ
أقسم بجلال الله هذا الشعب الموصووف راح يندمكم على التفكير في السوااقة .. وافتكروني
انا غير ممانع .. بس هذي المعطيات قدامكم وخلينا نشووف .. الخبر اليووم بفلووس بكرة ببلااااش ..
((ابي اسوووووووووووق مثلك ))
ردحذفطقيت من كثر ما اجلس با الجامعه انتظر احد يتكرم ويجي يرجعني البيت لالالالا هذا غير :
1-اذا كنتي توك طالعه ودقيتي على اهلك يرجعونك من الجامعه والغداء ما بقى عليه شي والله ل يذن العصر وانتي با الجامعه لما حضرته يتغدا ويتمغط له شوين هذا اذا ما خذا له قيلوله يريح
2- واذا ما كان امس موديك لمشاويرك >>متقطع الرجال انه موصلك لازم بعد المشوار الي رحتيه سوى لسوق او مكتبه او حتى زياره لاحد لالالالازم اسبوع ياخذ راحه عقب التعب >>اسم الله على قلبه ما كانه 24 ساعه فراااره بشوارع على قلت سنع ويقولون الشوارع زحمـــه ايه اركدو شوي تخف الزحمه
3- والاهم من هذا كله مستحيل ثم مستحيل انه يرجعك من الجامعه وفيه احد من اخوانك غيره با البيت تلاقين حرب داحس والغبرا با البيت علشان الرجعه وبا النهايه ما حد يرجعك
واذا قلنا نبي سواق ((قااالو مستحيل دوري معاك بنات يركبون معاه >>انا لاقيه انقل روحي علشان انقل غيري >>رغم انه حراام ادري بس من المصايب الي كتبته فوق هذي الي تنذكر والخااافي اعظم
و سوري على الإطاله
أزال المؤلف هذا التعليق.
ردحذفمسـآئكم / صبـآحكم ورد جوري ...
ردحذفمـآكو إطـآله أبداً ... إلا أني عشت معـآنـآتك ...
الله يكون بعونك ... من نـآحية تعب أبوك الله يطول
بعمره أن شاء الله .. فأعتقد أنه يشوف أنه يتعب
ويوصلك ويرجعك ولآ يرضى أنك تقودين السياره ...
وآسآليه وشوفي ..؟
فأرتـآحي وكوني كالملكه على قولتك ولآتشيلين هم ,,,!!
أبد أبد ... ولآظنتي أنكم بتسوقون .. ولآ فيه أمل
أصلاً أنكم تسوقون ... وإذآ بتسوقون من جد ...
يالله يالله خمسين سنه قدآم وتآخذون ع السوآقه
وعالسيارات وعلى الشوارع ...!! يعني مشوآآآآر!!
يعني بنـآت بنـآتك إذآ ربي عطاك عمر ان شاء الله هم
هم اللي بيسوقون ..!!
وفي الاخير وأعذريني ع الاطاله وع الخـآتمه ههههه
أنـآ ضد قيـآدة المرآه .. ضد قيـآدة المرآه
( من على إرتفـآع 2500 متر من على سطح البحر ..
آختي في الله ...دمتي بود وتبقلي تعليقي ومروري )
تصدقى بالله العظيم....أنا من 3 سنين وانا رافع ايدى لفوق وبقول يارب الحريم ولوف الرياض بس يسوق ...انا ع فكرة مصرى لكن بوصل مراتى كل يوم شغلها13 اشارة وبوصل بنتى بعدها 3 اشارات كمان وارجه تانى كل ده لإن شغلى جنب البيت وارجع تانى بعد الظهر ألف نفس اللفة طب يصرحولكم ولو بتوك توك مكيف الأول ولا ان شالله تسوقوا الهبل على الشيطنة ....أنا تعبت م الموضوع ده خلاااااااااااااص
ردحذفاختي انا معاكي قلبا وقالبا في الموضوع
ردحذفمع اني شاب لكن مؤيد للقيادة الحريم
واللي يقول انو الشعب متخلف وراح تسير اذية للبنات وكدا الحكومة تربي اللي ما تربى
اختي في الله قبل لا نبداء بطرح الافكار والاراء بسواقه المرأة من عدمها لابد اولا بحل وحل جذري لمشكلة المرور والهمجية في اتباع قواعد المرور الان ومن قبل ولكن الان اصبحت السواقة في المدن الكبيرة شي من المخاطرة اليومية والله اني احمد ربي يوميا اني اصل لمشواري سالم لست ضد سواقة المأرة لكن بالوضع الحالي تعبر ضرب من الجنون لو اقرت السواقة للمرأة
ردحذفواسف على الاطالة
اه بس جبيتها على الجرررررح متى نسوووق والله شي يقهر
ردحذفخصوصا اذا عندك مشوار ولازم تخلصينه اليوم ومالقيتي احد فاضي لمشوارك تعالي وشووووووفي والله اكرهه نفسي واكرهه اني سعوديه
متى نسوووووووق بس عاد سالفه الجامعه والدراسه والله من دخلته ماذكر اني رجعت مع اخواني والا ابوي لاني ادري باانهم مارح يجوني الا المغرب خخخخخخ رحم الله امرء عرف قدر نفسه اجيبلي سواق ارررررحم
بس تكفين اذا سمحوا للبنات السواقه علميني والله ماخلي دقيقه الا وانا مستنره بهالسياره <<<حلمي
عن نفسي مابغى اسوق !
ردحذفلان السواقه شغلله اذا رحت السوق لازم ادور موقف واذا رحت الجامعه لازم ازاحم العالم ....
بس !
ابي يسمحون بالحريم يسوقون عشان اقدم على "سواقه"
يعني فلبينيه, اندونيسيه ..الخ D:
لاني ماركب مع السواق لحالي
اما اذا كانت "سواقه" بيختلف الوضع
حسناً بما أن غداً لدي امتحان وسأضطر لأن ابقى في الجامعة إلى الساعة 4 :(
ردحذفسأكتفي بأن أشكر كل من كتب رأيه وعلق.
وأعدكم بأني سأعود لكل واحد\ة منكم =)
أنرتو مدونتي
كلامك صح وانا بعد اقووول متى نسووووووق /
ردحذفوالله اقسم بالله اني اعاني معاناة فظيعه من هالنقطه السواقين والتكاسي ياخذو مني اكثر من نص الراتب واستقدام سواق مقدمه من فتره طبعا انا ماعندي احد يمشي لي اموري وماعندي اخوان يوصلوني كلنا بنات وابوي الله يطول بعمره خلاص نعب من السواقه والمشاوير مايقدر عليها الله يشفيه بس والله مافي شركة تكاسي الا وعندهم رقمي اروح للدوام وارجع ويدي على قلبي خايفه من هالي يوصلني لا اعرف اصله ولافصله اش بيصير فيني والا فاخواتي الله اعلم ولسا نستنا السواق طلعت الفيزا بس ردد ياليل مطولك لنا كم شهر نستنا وكل هذا ليه والاخ الي يقولك لاصدمتي لاتبكي وجيبي مناديل فكرة البنت الدلوعه الي ماتعرف تتصرف خلاص راحت عليه يا حبيبي صرنا احنا الي نراجع وزاره لوزاره وبنوك ومحاكم ونصرف على البيت ومار علينا بلاوي
ردحذف^
ردحذفيكفيني ردك والله .!
أسأل المولى أن يعينك وسمح امرك ويعجل بحضور ذاك السائق وان يشفي والدك عاجلاً غير اجل يارب
السلام عليكم
ردحذفعزيزتي ..
كلنا نعاني من هالشي .. بس فرأيك .. سواقتنا بتكون حل ؟
ماتوقع بالعكس بتزيد الزحمه .. وبتكون المشاكل اكثر .. وكلنا يعرف مشاكل الطريق .. من حوادث وبنشر الكفر .. وغييره .. وبكذا اقولك الله يطول بـ آعمار ابهاتنا وخوانا :$
السلام عليكم جميعاً
ردحذفاختي...
طيب الضغط هذا في ترم واحد وبعده.....!!!
طيب بعد الجامعه وش بتسوين مثلاً بتبعين السياره اذا كتب الله وشريتيها لأنجاز مشاويرك الدراسيه
اخواتي كل انسان معرض لضغوطات وأزمات كفانا الله شرورها
لكن نقول لكل هم فرج الله يفرج على المسلمين أجمعين
آمل ان يكون تعليقي خفيفا ومفيداً
والسلام.......
حسناً في كل الاحوال
ردحذفلا اظن اني سأقود خصوصاً بعد ان شرح لي والدي العزيز
عقليات السائقين هنا .!
كان الله بعون كل من يقود السيارة داخل الرياض
أختي كاندل , صدقتي والله !
ردحذفالحين اللي ماعنده غير بنات في البيت , تعب فجأة إش يسوي ؟!
صور كثير تضطرنا نطالب بالسواقة
الحمد لله صحيح ملوك على قولتهم هههههه
بس والله أفضل أسوق , ولا أختلي بسائق باص مدري إيش يدور في ذهنه وأنا معه , وأجلس متوترة من أطلع إلين أدخل !!
يسلموو ع الطرح , ولا فض فوك ^^
وربي يخلي لك أبوك , ويفكنا من الباصات ههههه